Gas leh tuialhthei a thleng pangngai - FCSCA Secretary

Food, Civil Supplies & Consumer Affairs (FCSCA) secretary Teresy Vanlalhruaii chuan, eirawngbawlna gas leh tuialhthei a rawn thlen pangngai thu a sawi.

Vanglaini palai zawhna chhangin FCSCA Secretary chuan, Gulf war hma leh hnuah Mizorama eirawngbawlna gas leh tuialhthei rawn thleng a danglam loh thu a sawi a, "A pangngai rengin a rawn thleng a, Mizoram sorkar leh Central sorkarin uluk takin an vil reng a ni," a ti.

Teresy Vanlalhruaii chuan, tun dinhmunah gas leh tuialhtheiah thlaphânna tur a awm loh thu sawiin, "Ni tin a rawn thleng reng," a ti a; gas book hnuhnun ber aṭanga ni 25 hnuah chauh book leh theih tih a nih chhan chu, ṭul loa mipuite'n an lâk khawl vak vak lohna atan a nih thu a sawi.