MAL-in an lawm thu an sawi

Mizo Thu leh Hla Inpui (Mizo Academy of Letter) chuan thuchhuah siamin, Mizoram Legislative Assembly budget session neih zawh takin March 9, 2026-ah ‘Eighth Schedule to the Constitution of India-ah Mizo tawng hi telh tura hma lak ni rawh se’ tih lungrual taka an pawm chu lawmawm an tih thu an tarlang.

MAL chuan, 8th Schedule-a Mizo ṭawng telh a nih theihna tura hmalak rawtna resolution Education minister Dr Vanlalthlana put luh Assembly House-a sawi khawmnaah party hrang hranga MLA-te'n an thlâwp vek chu ropui an tih thu an sawi a, "India Danpui hnuaia Mizo ṭawng telh a nih theihna turin Mizo Thu leh Hla Inpui chu sorkar puibâwm tur leh an thâ tichak turin kan inpeih reng a, Mizo mipuite pawh phawkhai rual taka ṭan la tlang turin kan beiseiin kan sawm a ni," an ti.

8th Schedule-ah Mizo ṭawng a tel theih nan kum 30 kal ta aṭangin theihtawp chhuaha hma an lo lak tawh ṭhin thu an tarlang bawk.