Apprenticeship chungchang zirho

Indian Institute of Entrepreneurship (IIE), Guwahati leh Regional Directorate of Skill Development and Entrepreneurship (RDSDE) ṭangkawp kaltlangin NE Brothers Ent. Pvt. Ltd, Manipur chuan Ministry of Skill Development and Entrepreneurship (MSDE) hnuaiah nimin khan NIELIT, Aizawl Centre-ah 'Establishments on Apprenticeship Promo-tion' zirhona an buatsaih a; NIELIT zirlaite leh Aizawla establishment hrang hrang aiawhte an tel.

Zirhona hi NIELIT scientist E James K Lalthla-muana'n kaihruaiin, NIELIT Aizawl director Dr T Gunendra Singh chuan a hawng. Resource person Lalhruaitluanga leh Vanlalchhanchhuaha ten Prime Minister's National Apprenticeship Promotion Scheme (PM-NAPS) leh apprenticeship portal chungchang bakah, a dan leh hraite an sawifiah a; zawhna leh chhanna hun hman niin, apprenticeship portal hman dan leh establishment-te inziah luh dan inzirtir a ni bawk.

PM-NAPS hi Mizo­ramah chuan LESDE depart­ment-in an kalpui a; scheme hnuaiah hian apprenticeship training nei mekte chuan thla tin state sorkar leh PM-NAPS kaltlangin stipend Rs 1,500 ve ve an dawng thei a ni.