Kolasib Bawrhsap a thi

Kolasib district bawrhsap Robert C Lalhmangaiha (48) h/o C Lalbiakhlui, Chawnpui, Aizawl chu nimin chawhnu dar 2:30 vel khan Civil Hospital, Aizawlah a thi.

Thu dawn danin, Robert C Lalhmangaiha hi zunthlum nei a ni a, March 15, Pathianni khan a chauh deuh avangin inenkawl turin Aizawlah hruai a ni a, nimin chawhnu dar 2:30 khan a thi a ni.

Robert C Lalhma-ngaiha hi kum 2008 khan MCS-ah a tling a, hmun hrang hrangah thawk kualin, July 9, 2024 khan Kolasib bawrhsap hna a chelh ṭan. Chawnpui Presbyterian Kohhranah kohhran upa a ni.