Indian Architect of the Year dawng turin R Lalrinzuala thlang

35th JK Architect of the Year Award hnuaia Indian Architect of the Year dawng turin R Lalrinzuala, Mizoram University School of Architecture thlan a ni. Award hian trophy, citation leh Rs 1,75,000 a keng tel a; award hi kumin kumtawp lamah sem a ni ang.

JK Architect of the Year thlanna hi kumtin neih ṭhin a ni a, kumin hi a vawi 35-na niin, lawmman dawng turte thlang tur hian India ram chhunga architect challang eng emaw zat chu March 13-14, 2026 khan Hotel Windermere, Shillong-ah an ṭhukhawm a; JK Architect of the Year hnuaia award hrang hrang dawng turte an thlang a ni.

R Lalrinzuala hian kum 1999 khan Pune aṭangin architecture a zir chhuak a, kum 2001 khan a hoin Catalyst Architecture an din. Mizoram hmun hrang hrangah in leh biak-in sak turte an design ṭhin a, tun hnaia a langsar zual zingah chuan MZU Multipurpose Hall, BCM Lunglei Bazar, New Capital-a LESDE office-te an ni.

Kum 2020-a tuna Bara Bazar sak ṭhat mek architecture design competion neihah pawh pakhatna an lo ni tawh a; kum 2019 khan Mizoram University chhunga Dept. of Education design vangin JK State Comendation Award an lo dawng tawh bawk.