CBI-in an chhui - LRS Minister

Land Revenue & Settlement (LRS) minister B Lalchhanzova chuan nimin khan Assembly session-ah, Lengpui ram Indian Air Force (IAF) hnena hralh chungchang chu Central Bureau of Investigation (CBI)-in an chhui thu a sawi.

MNF member R Rohmingliana zawhna chhangin Revenue Minister chuan, IAF hnena Lengpui ram hralh a nih tur thua hriattirna, preliminary notification chu May 15, 2025-ah chhuah a nih thu a sawi a, "Henry Lalremsanga Hlawnmual hnenah Rs 1,17,90,26,341 leh Rohmingliana hnenah Rs 70,00,000 pek a ni," a ti.

B Lalchhanzova chuan zawh belhna hrang hrang chhangin, "CBI-in an chhui chho a, CBI kutah dah ang u. He House-ah hian kan sawi ṭhin a, a duhin an awih a, a duhin an awih lo," a ti a; document lemte a awm em tihte pawh a chhuitute'n an chhui chhuak mai turah ngai turin member-te a chah a ni.