Free Legal Public Hearing

13th March, 2026

Mizoram State Commission for Women leh National Commission for Women chuan International Women’s Day puala March 9, 2026 aṭanga an buatsaih - hmeichhiate tana harsatna thlenna leh chinfelna, Free Legal Public Hearing (Maha Jan Sunwai)-ah nimin thleng khan Mizoram pumah case 60 a lut.

Free Legal Public Hearing hi district tinah DC, SP, District Legal Services Authority leh Women & Child Development aiawhte'n an ṭhutchilh a; nimin thleng khan case 60 lutin, chu'ng zinga 14 chu Aizawl district-a mi a ni.

Case lut tam zawk chu a hmunah chinfel nghal a ni a; a hmuna chinfel theih lohte chu District Legal Services Authority, Police, One Stop Centre, Protection Officer (Domestic Violence), Court, Child Welfare Committee-ahte thawn a ni.