Bawrhsapin phal lohna hmuna bawlhhlawh paih lo turin hriattir

Serchhip District Bawrhsap chuan hriattirna chhuahin, Serchhip Zawlpui kawng (Thenzawl panna) leh hmun hrang hrangah dân loa bawlhhlawh paih an awm ṭhin tih hriat a nih thu te, a paihna tur hmun ni loa bawlhhlawh paih chu danin a khap thu leh, phal lohna hmuna bawlhhlawh paih chu Rs 5,000 thleng chawitir theih a nih thu a tarlang.

Serchhip DC Paul L Khuma chuan, phal lohna hmuna bawlhhlawh paih ṭhin hria/hmute chu Serchhipa DC office leh UDPA office-ah a finfiahna thlalak, video clip, etc. nen hriattir turin a ngen a; report thehluttute tan lawmman siam a nih dawn thu leh, report chu Vantlang Viltu app kaltlang pawhin thehluh theih a nih thu a tarlang bawk.