Hmuifangah Sel Hel Dawr hawn a ni

March 11, Nilaini khan NABARD general manager Panakaja Borah chuan Hmuifangah 'Sel Hel Dawr (Gram Dukan)' a hawng a, International Women's Day an lawm nghal.

Panakaja Borah sawi dnain, Gram Dukan hian SHG member-te tan sum thawhchhuah tih punna remchang a siam sak dawn a, entrepreneurship skill-te hmasawn tirin, anmahni inrintawkna pawh a tipung ang. Insumdawn tawnna a market changtlung tawhte nen an inzawm theihna remchang a siam dawn a ni.

Hmuifanga toll point bul, tourist-te kalna lamah a awm avangin Gram Dukan hi SHG Emporium anga hman a ni ang. He dawrah hian khualzinte tan Mizoram chhunga siam thil leh souvenir (hriatrengna tur) hrang hrang an hralh ang a, Zokhaw hmeichhia entrepreneur-te hmingthanna leh thiam thil pawh a ti lang thei dawn.

NABARD bultumin nimin khan Reiek BDO conference hall-ah International Women’s Day hman a ni a; Reiek BDO Betty Lalrinfeli'n hmanpuiin, NABARD leh MzSRLM Reiek RD Block buatsaih Self Help Group Dawr (Gram Dukan) a hawng bawk.

He hmalakna hi hmeichhe kaihhnawih eizawnna tih hmasawnna atana belhchian dawl midangte zir chian tlak leh entawn theih tura ruahman a ni.