AR ram hman dan tur House hrilh

General Administration (GAD) enkawltu chief minister Lalduhoma chuan nimin khan Assembly session-ah Aizawla Assam Rifles chhuahsan hmunhma hman dan tur House a hrilh.

Chief Minister chuan MNF member Dr R Lalthangliana zawhna chhangin, "Assam Rifles chhuahsan ram hman dan tur chungchang ngaihtuah turin Chief Minister chairman-na hnuaiah Advisory Committee on Assam Rifles Land din a ni," a ti a, AR ram hman dan tura ruahmanna awmte a tarlang.

ASSAM RIFLES RAM HMAN TUM DAN

◆ Bazar Bungkawn aṭangin Treasury Square kawng zauh.

◆ Traffic tâwt tihziaawm nan Saron Venga BCM biak-in aṭanga Dak Inpuia chhuak turin by-pass road siam.

◆ Two wheeler parking siam.

◆ Multi-level car parking siam, a chungah Vanapa Hall sak.

◆ Mini park siam.

◆ PHE tuizêm dah.

◆ Heritage court siam.
Ṭ
◆ Electric sub-station dah.

◆ Bazar Bungkawnah Aizawl Square siam, traffic tâwt tiziaawm turin lirthei tlan kual theih tur kawng siam, a chung mini park dah.

◆ Canteen kuala Hari Mandir hmunah park siam.