Khawpui himna leh mawina tura tui luankawr siam mekte enfiah

UDPA department hotute chuan an director Jacob Lalawmpuia hoin February 28, Inrinni khan khawpui himna leh mawi­na atana 'Storm Drain Projects' tih hming­pua tui luankawr siam mekte an enfiah.

UDPA department hotute hi contractor leh hna vil tura ruatte'n an lo dawngsawng a, an hna­thawh chin leh hma­chhawpte an lo hrilh. UDPA Director chuan contractor-te chu ṭha taka hnathawk turin a chah.

Jacob Lalawmpuia chuan, hnathawhte chu hlawm lian tam tak takte a nih hlawm avangin tun ṭhâl chhung chuan an zawh hman loh tur thu a sawi a, "Ṭhál chhungin an theih chin chin an thawk a, ṭhál thlen leh hunah an chhunzawm ang," a ti.

Storm Drain Projects hnuaiah hian SASCI sum cheng vbc 104.28 sengin district khawpui hrang hrangah tui luankawr siam a ni dawn a; hei hi ruahtui leh tui hmante tui luankawr ni loa luang tam lutukin leimin a thlen ṭihn venna atana tih a ni.

Tui luankawr siam hna hi district khawpui tinah tih tur a ni a, Aizawl bikah chuan cheng vbc 61.76 sengin, hmun 26 ah km 8.136 siam a ni dawn a ni.