Tourism Minister bill put luh pawm

Nimina Assembly session-ah Tourism minister Lalnghinglova Hmar put luh, 'The Mizoram (Registration of Tourist Trade) (Amendment) Bill, 2026' chu sawiho a nih hnuah pawm a ni.

Tourism Minister chuan, kum 2020 khan The Mizoram (Registration of Tourist Trade) Act neih a nih tawh thu a sawi a, "A buaipuitute an fakawm. He amendment-in a tum ber chu, Tourism department hnuaia awm ngai lo, lo awm tate dan hnuaia him zawka kan enkawl theihna tura dil belhna a ni ber," a ti.

Lalnghinglova Hmar chuan, department chan siamrem a nihin tun hmaa awm ṭhin LAD chu Rural Development nen kaikawpin, Rural Development & Adminis-tration tih a nih tawh thu a sawi a, "Govt of Mizoram Allocation of Business Rules, 2019 January 16, 2025-a tih chhuahah Tourism department chanah municipal páwn lama park, picnic spot leh intihhlimna hmun dangte belh a ni," a ti a; Tourism chan ni ngai lote Tourism department chanah dah luh a nih thu a sawi.