Sorkar leh turte leibâ hnutchhiah lo turin theihtawp kan chhuah - Chief Minister; 'Sorkar kal tate leiba kan ti ngai lo' - LoP

Nimina Assembly session-ah Finance enkawltu chief minister Lalduhoma chuan, sorkar kal tate leibâ an rulh mek thu sawiin, "Sorkar leh turte leiba hnutchhiah lo turin theihtawp kan chhuah," a ti. Hemi chungchangah hian leader of opposition Lalchhandama Ralte chuan sorkar thar apianga leiba rulh a nihin, sorkar kal tawhte leiba an ti ngai lo niin a sawi.