MUHCS-ah inziah luh hun hawng mek

April 1, 2026 - March 31, 2027 chhung atana Mizoram Universal Healthcare Scheme (MUHCS) 2.0 kalpui turah inziah luh hun hawn mek a ni a; inziah luh man (premium) chi thum - Rs 2,500, Rs 5,000 leh Rs 10,000 a awm.

MUHCS 2.0-a inziah luh hun hi April 15, 2026 thleng hawn a ni dawn a, online leh offline-a tih theih ve ve a ni. Online-a ti duh tan muhcs.mizoram.gov.in ah online enrolment tih theih a ni a; offline enrolment chu health worker-te hnenah tih theih a ni. Sorkar hnathawk, civil pensioner leh AB PMJAY (golden card) hmang thei chhungkuate tan pawisa sênga chawia inziah luh a ngai lo.

MUHCS 2.0-a inziah luh chungchangah Lunglei district chief medical officer Dr Lalrinthangi chuan tun hnai khan Lunglei district mipui tan thuchhuah a siam a; MUHCS 2.0-a inziah lut tura harsatna nei tan phone number 8974218515 / 8258835817 / 9615874228 / 8014647392-ahte zawhfiah theih a nih thu a tarlang.