Living Museum documentary film siam dawn

Art & Culture department-in Inrinni tina an buatsaih ṭhin Living Museum, Falkawnah documentary film siam a ni dawn.

Documentary film siam tur hian Indian National Trust for Art and Cultural Heritage (INTACH) Hqrs, New Delhi thawhpui Mime Media Private Ltd, New Delhi an rawn kal a, nimin aṭang khan shooting an nei ṭan.

Living Museum, Falkawn hi Art & Culture minister C Lalsawivunga hmalaknain October 25, 2025 khan hawn a ni. Ministry of Tribal Affairs chuan he Living Museum hi ṭha a ti a,January 29, 2026 khan India rama state leh UT zawng zawngte Living Museum proposal siam turin a hriattir.