MLA-in lawmpuina a hlan

Aizawl North-III bialtu MLA K Sapdanga, minister chuan nimin khan a pisaah MPSC-in MCS (Combined Competitibe) Examination, 2025 result a tih chhuah taka a bial chhung aṭanga tlingte lawmpuina a hlan.

K Sapdanga chuan Aizawl North- III chhungah MCS leh MPS tling thar lawmpui tur an nei chu a lawm hle tih sawiin, an kal zelna turah dahsakna a hlan a, "Tun hnaia ka vei leh ka sawi fo chu, kan ṭhlalai lehkhathiam tak takte state service-ah tawp mai lo a, central service leh All India Service-a an luh a ni," a ti.

Aizawl North-III aṭang hian Lalchhanhimi d/o Lalṭanpuia, Electric Veng chu MSC-ah tlingin, Lalruatkima s/o F Ngurbiakvela, Zarkawt chu MPS-ah a tling.