MPSC MCS (Combine Competitive) Examination 2025-ah mi 33 an tling

Mizoram Public Service Commission chuan February 9, Thawhṭanni zan khan Mizoram Civil Services (Combined Competitive) Examination 2025 final result a tichhuak a; mi 33 tlingin, Lalremsiama Darchhun s/o Vanlalpeka, Tanhril chu pakhatna a ni.

Tun ṭuma MCS (Combine Competitive) Examination-ah hian Mizoram Civil Service atan mi 15, Mizoram Police Service atan mi pariat, Mizoram lnformation Service atan mi pariat leh Mizoram Finance & Accounts Service atan mi pahnih lak (recommend) an ni.

MCS (Combined Competitive) Examination 2025-ah hian August 8, 2025-ah preliminary exam buatsaih niin, mi 3,628 an exam tluan a; August 21-ah result a chhuak a, main exam hmachawn turin mi 334 an tling.

MCS (Combine Competitive) Examination 2025-ah hian October 22-30, 2025 chhung khan Main Examination buatsaih a ni a, mi 320 inlanin, chu'ng zinga mi 301 an exam tluan a; January 16, 2026-ah main exam result tihchhuah a ni a, personal interview hmachhawn turin mi 66 an tling.

Personal interview tura tlingte chu February 2-9, 2026 chhung khan personal interview neihpui an ni a; interview zawhah hian zan riak loin result tihchhuah nghal a ni.