Mamit DEO-in MCC kengkawh ṭha chawimawina a dawng

Mamit District Election Office chuan National Best Election District hnuaiah 'Model Code of Conduct Imple­men­tation and Enforce­ment Award' a dawng. Award hi January 25, National Voters Day khan Mizoram joint chief electoral officer Ethel Rothangpuii'n New Delhi-ah President Droupadi Murmu hnen aṭangin a dawng a ni.

Sorkar thuchhuah tarlan danin, Mamit District Election Office hian November 2025-a Dampa bial by-election neih zawh taka inthlan leh a kaihhnawih dan zawm leh lekkawh ṭhat avangin award hi a dawng a ni.

Best District Award dawng thei tura Election official-te thawhrimnaah Mamit District Election Office chuan lawmthu a sawi.