Serlui-B leh Palak Dil vela tui sava chhiar

Serlui-B Hydel Project tuikhuah leh Palak dîlah tui awmna chhehvela khawsa sava (waterbird) chhiarpui neih a ni a, Serlui-B ah waterbird chi (species) 28 leh Palak dilah chi 15 a awm.

Dil chhehvela khawsa sava chhiarpui, Asian Waterbird Census (AWC) 2026 hi India rama state leh union territory 32-a district 257-ah kalpui mek a ni a; Mizoramah pawh Serlui-B HEP tuikhuah leh Palak dîlah neih a ni.

Serlui-B HEP tui-khuahah hian AWC eBird Project Regional Coordinators (AePRC) Mizoram regional coordinator Christopher JZ Lawlor bakah, conser-vationist & wildlife photographer Johny Lalhruaitluanga Ralte, Tlauliana leh Carter Lalchhuanmawia ten sava chhiarpui an nei a; tui awmna chhehvela khawsa sava 167 an hmu a, chu'ngte chu chi (species) 28 an ni.

Palak dil (Ramsar site)-ah chuan Mara Autonomous Disrtict Council hnuaia Forest department photographer N Zachhua chuan sava chhiarpui a nei a; waterbird species 15 hnuai-ah sava 131 a chhinchhiah.

Christopher JZ Lawlor chuan, sava chhiarpui an neihnaa an hmalakna thlawptu state sorkar leh MADC sorkar hotute leh mimal ṭhahnemngaite chungah a lawmthu a sawi a; nungchate humhalh kawnga hma la ṭheuh turin mi tin a sawm.

Tun dinhmunah India rama state leh union territory 32-a district 257-a hmun 1,300-ah waterbird species 154 a awm a, sava nuai 13 vel a awm anga chhinchhiah a ni.