Tripura-Mizorama gas pipeline phûm mek Supply Minister-in Tripura-ah a ngaihven

Food, Civil Supplies & Consumers Affairs minister B Lalchhanzova chuan Tripura aṭanga Mizorama gas pipe phûm meka hna thawhte endikin Agartala a tlawh a; nimin khan Tripura Natural Gas Corporation Limited hotute nen an inkawm bakah, gas pipe line chu Mizoram mipui mamawhna a sàn tawh avangin March 2027 hmaa zawh hman tum turin thawktute a chah.