Ina chênpui thattua puh man a ni

Bawngkawn Police Station-a police-te chuan January 6, Thawhlehni zan khan F Lalsangzuala (45) s/o Lalluauva, Bawngkawn South chu a chenpui Lalṭhakimi (46) thata puh a nih avangin an man.

F Lalsangzuala hian January 3, 2026 khan a chenpui Lalṭhakimi chu na tak kut a thlak avangin City Hospital ICU-ah dah a ni a, a hliam tuar loin January 6 zan dar 8:30 khan a thih thu Bawngkawn PS chuan an dawng a ni.

Report an dawn bawhzuiin Bawngkawn police-te chu F Lalsangzuala te inah kalin, thil thlen dan an chhui chiang a, F Lalsangzuala chu an man nghal.

Lalṭhakimi hi pasal ṭhen tawh, New Chalrang aṭanga F Lalsangzuala te ina awm a ni a, innei si loin an inkawpa sawi a ni. January 3 khan an inhnial buainaah F Lalsangzuala'n chhuatah a nam tlu a, a tlukna lamah Lalṭhakimi chuan a lu a sawh a, a thihpui nia hriat a ni. A ruang hi Civil Hospital, Aizawlah endik a ni.

F Lalsangzuala hi police-te chuan nimin khan court-ah an hruai a, court thu angin jail-ah dah luh a ni.