Sikul hawn leh ṭan a ni

Mizoramah Krismas leh kumthar chawlh hman a nih hnuah Mizoram sorkara School Education department-in school calendar a siam angin, nimin khan Mizoramah sikul hawn leh ṭan a ni.

Thu dawn danin, Mizorama sikul tam zawk chuan nimin khan sikul an hawng leh ṭan a, sikul ṭhenkhat, khawvawt vanga la hawng ve rih lo tlem azawng an awm bawka sawi a ni. Sikulte hian third term hun an hmang chho zui ang.

School Education department-in school calendar a siam ang chuan, sikul hrang hrangah February thlaah third term neih a ni dawn a; primary school leh middle school-ah February 16-27, 2026 chhung, high school-ah February 19 - March 16 chhung third term exam neih a ni ang.