KUM THAR NI-AH GOVERNOR AIZAWL TEMPLE-AH A INKHAWM

 Mizoram Governor Gen. Dr Vijay Kumar Singh chu January 1 chhun khan Salvation Army Aizawl Temple Corps kum thar inkhawmah a inkhawm.

Inkhawmah hian Gen. Vijay Kumar Singh chuan thuchah tâwi a sawi a; Mizo mipuite kum thar chibai bûkin, kum thar 2026 chuan beiseina, muanna, inunauna leh malsawmna a thlen ngei a beisei thu a sawi a, "Kum thar lo inher chhuak hian calendar inthlak danglam satliah mai a entir lo a, hun kal tawhte thlir letna leh beiseina nena hma lam panna a entir a ni," a ti.

Larsap chuan Salvation Army-te chu thiltih hmanga rinna a taka lantir a, mirethei, baihvai leh tanpui ngaite tuamhlâwm thintu an nih thu sawiin, an hmalakna chhuanawm tak chu kum tharah pawh chhawm nung zel turin a chah a ni.