TUALTHATTU NIA HRIAT MAN

Lunglei SP J Lalmuankima chuan nimin (January 2, 2025) khan December 31, 2025 zana K Vanlalngaii (78), Lunglei Bazar Veng thattu ni ngeia hriat Johny Rosangliana (41) s/o J Vanlalchhunga, Lunglei Bazar Veng chu January 1, 2026 zan dar 9 khan man a nih thu thuthar thehdarhtute hmaah a sawi.

Lunglei SP sawi danin, Johny J Vanlalchhunga hian police hmaah tualthattu a nih thu a inpuang tawh a, vawiin hian court-ah hruai nghal a ni. A tul angte chhuizui zel a ni ang.

K Vanlalngaii hi mahni chauha cheng a ni a, December 31 zan dar 9 vel khan a faten a chenna inah hian thiin an hmu. A tukah postmortem niin, vuiliam a ni.