Meth lem hmanga mi bum vangin Police-te'n police 4 an man

Aizawl SP Zosangliana chuan vawiin khan a pisaah thuthar thehdrhtute kawmin, tun hnai khan Aizawlah ruihhlo (methamphetamine) lem hmanga ruihhlo lei tumte buma sum chhuh luih sak thin vangin civilian panga leh police pali man an nih thu a sawi.

Zosangliana sawi danin, December 16, 2025 tlai dar 5:45 khan Aizawl Police Station OC-in Special Narcotics Police Station hnen atanga FIR dawngin thubuai ziahluh nghal a ni. He thubuai kaihhnawihah hian civilian panga leh police pali man an ni a, heng mi pakuate hian inthurualin methamphetamine lei duh tur zawngin a un leh hmun turte an ruahman thin. Meth lei tumte hian civilian-te hi an dawr veleh police inhnamhnawihte hian CID police officer anga in sawiin meth lei tumtute pawisa hi tharum hmangin an chhuh luih sak thin a, hetianga sum chhuh lui hian tum ruk vel an lo hlawhtling tawh a ni.

Police pali-te hi suspend an ni tawh a; civilian pangate hi man nghal vek niin, thu zawhfiah an nih hnuah judicial remand-in Jail lama thawn an ni tawh bawk.

POLICE-IN AN MAN TE

CIVILIAN:

(i) Lalrinngheti (35) d/o Zosangliana of Venghlui, Aizawl

(ii) Lalchhanhimi (40) @Chhami w/o C. Rolawmkima (L) of Kulikawn, Aizawl.

(iii) Lalnunpuii (41) d/o VL Hruaia of Venglai, Kolasib.

(iv) Lalrinchhani (38) d/o Lalfakzuala (L) of Electric Veng, Lunglei.

(v) Lalmalsawmi (41) d/o BNBordoloi of Armed Veng South, Aizawl.

POLICE:

(i) Constable RL Remlalnghaka (28) s/o Lalnuntluanga of Zemabawk North, 5th IR Bn., attached to ERSS, Aizawl DEF.

(ii) Constable Vanlalringa (32) s/o Lalchawimawia of Bungkawn Veng, Aizawl, Aizawl DEF, attached to Security Unit.

(iii) Constable Andrew Lalremruata (29) s/o Zothankhuma of Chanmari Veng, Aizawl, Aizawl DEF, PSO to CO, 1st MAP.

(iv) Constable Alex Lalnunfela (26) s/o C. Lalsangzuala of New Capital Complex, Aizawl, 5th IR Bn. attached to AIG (Ops), PHQ

Meth lem hmanga mi buma sum chhuh lui thin police pali an man zinga pathum - Constable RL Remlalnghaka, Constable Alex Lalnunfela, Constable Andrew Lalremruata leh civilian panga an man zinga pakhat - Lalrinchhani (38) d/o Lalfakzuala te hi meth hmanga mi an bum dan ang deuh chiaha detonator hralh tur nei anga insawi a, an mahni dawr tumtu hnen atanga Rs 5,00,000 chhuhsaknaah pawh an inhnamhnawih avangin thubuai siamsak an ni a; anni bakah hian Krosshlupuii (37) d/o Kawlnithanga, Hunthar, Aizawl man a ni bawk.