Salvation Army officer Mizo nupa ni 10 an bo tawh

 Salvation Army officer nupa, Maj. Lalthanmawia leh a nupui Maj. Rualthanpuii chu December 19, 2025 aṭang khan an bo a, vawiin Dec. 28 thlengin an chin hriat a ni lo.

Mizorama Salvation Army hruaitute hnen atanga thu dawn danin, Maj. Lalthanmawia te nupa hi Myanmar rama Letpanchhawng khuaa awm an ni. Mizorama Krismas hmang turin an rawngbawlna Letpanchhawng khua aṭangin December 18 khan Tahan an pan a, a tuk December 19 zing dar 9 velah Tahan aṭangin Mizoram lam panin an chhuak leh a; chin hriat lohin an awm zui ta a ni.

Maj. Lalthanmawia te nupa hi bike (Kenbo 125) hmanga inphur an ni a; Myanmar sipaiin an man nge, mipui sipai lamin an hréng nge, kawng lakah an chesual tih hriat a ni lo. Anmahni hi Salvation Army Singapore, Malaysia, Myanmar and Thailand Territory hnuaia thawk an ni.