Tui hri nia hriat leng vangin ramri kân khap

Tui hri nia hriat leng mek chungchangah Siaha leh Lawngtlai district sorkar hotute chuan fimkhur turin mipui an ngen a; thupek an tichhuak nghal.

SIAHA ADDL. DC THUPEK

1. Tunlai hian Siaha district huam chhunga khaw ṭhenkhat - Lomasu, Lodaw, Lopu leh Khaikhy khaw chhungah tui hri nia hriat, inkaichhawn awlsam tak natna a leng mek.

2. He hri hi mihring hriselna (nunna) atan pawh a hlauhawm hle. 

3. Hri leng mek hi kan ei leh in thianglim lo leh hmun dang aṭanga mihring vei vak leh khualzin miten an put darh a ni ber.

4. Lomasu, Lodow, Lopu leh Khaikhy ram chhunga International Border/Indo Myanmar Border-a luh leh chhuah khap tlat a ni.

5. Thupek zawm lote chu Section 223, Bharatiya Nyaya Sanhita (BNS), 2023 hmangin na taka hrem theih an ni.

LAWNGTLAI DC THUPEK

1. Lawngtlai district- ah tuihri ni ngei a ngaih natna inkaichhawn theih a leng mek.

2. Lawngtlai district chhunga International Border inkalpawhna zawng zawng thu leh awm hma khar vek a ni.

3. Natna hrik laka kan inven theih nan kut silfai, tui chhuanso emaw filter tui chauh in tur a ni.

4. Community Health Centre, Lawngtlai/Private Hospital ten hri vei enkawlna bik (Isolation Ward) an ruahman tur a ni.

5. Border kaltlanga sumdawnna reng reng kal phal a ni lo.

6. Thupek zawm lo chu Section, 223, Bharatiya Nyaya Sanhita, 2023 (BNS) hmanga hrem an ni ang.

7. Thupek hian thu leh awm hma chu thupek chhuah a nih aṭanga thla 2 chhung a huam ang.