HM-in Champhai SP a kâwm

Home minister K Sapdanga chuan December 17, Nilaini khan Champhai SP Lokeshwaran leh a thawhpuite Champhai DC conference hall-ah a kâwm a, ruihhlo do chungchang a sawipui.

Champhai SP chuan, Champhai district chhunga ruihhlo donaa an thil tum leh hmalaknate a lem nen a sawifiah a; ruihhlo an man zat te, ramri an vil dan te, khaw hrang hrang an endik dan te, mipui hnena inzirtirna an neih dante leh ruihhlo laka fihlim tura zirtirna an neih dante Home Minister a hrilh.

Minister K Sapdanga chuan, Champhai district police-te hnathawh chu ṭha a tih thu leh an taimakna fakawm a tih thu a sawi a; ruihhlo luh tamna district a nihna angin ṭha taka thawk zui zel turin a chah a ni.