Ngaizela nungcha humhalh a ni

Ngaizela nungchate humhalhna, 'Conservation of Wildlife within the Outskirts of Aizawl Campaign' kalpui a ni a, nimin khan Aizawl South-II bialtu MLA Lalchhuanthanga'n a hawng.

Lalchhuanthanga chuan, Pathianin a thilsiamte a hmangaih tih sawiin, "Mihringte hi chungnung taka a siamte kan ni a, nungchate hi kan enkawl a, an chunga zahngaihna kan lantir hi Pathian duh dan a ni... Assembly House hialah Ngaizel khâm vela saza vulh ka rawt tawh a, vawiinah mihringte bêlin anmahni ngeiin bu an rawn khuar ta a ni," a ti.

Campaign hawnna inkhawm hi Aizawl Coffee House, Ngaizelah hman a ni a, ASEP president Lalmuansanga'n a kaihruai. Aizawl district forest officer Lalnunsanga Khawlhring pawhin thu a sawi a ni.