Dan phal loh kawl lo turin hriattir

Excise & Narcotics department (END) chuan December 16, Thawhlehni leh nimin khan Aizawl khawpui chhunga hotel, homestay leh restaurant eng emaw zat chu dan phal loh kawl lo tura hriattirna an pe.

END hian hotel, homestay leh restaurant te chu sorkarin Mizoram Liquor Prohibition (MLP) Act leh NDPS Act te Mizoramah hman a nih thu an hriattir nawn a, "Hetiang dan phal loh thil in lo hralh emaw, in lo tihtir a nih chuan man theih in ni," an ti.

Aizawla hotel, homestay leh restaurant te chu a ṭul angin endik zel an tum a, dan phal loh thil kawl emaw, lo tihtir emaw an awm chuan man an nih tur thu END chuan an hriattir nghal bawk.