Upate pualin hun hmang

Mission Foundation Movement (MFM) hnuaia Regional Resource Training Centre (RRTC) for Senior Citizens chuan nimin khan Vaivakawn Cultural Centre-ah upate pualin 'Workshop on elderly issues' an buatsaih a; Aizawl tlâklam veng hrang hrang aṭangin MUP member 170 an tel.

Workshop hi project manager Esther Lalṭhachawii'n a kaihruai a, MFM executive director Lalramchuanzela'n RRTC for Senior Citizens hmalaknate a tarlang. MFM School of Nursing tutor Lalremtluangi'n upate zinga natna awm ṭhinte leh enkawl dan a zirtir a, fitness trainer C Lalremsiama'n taksa sawizawi dan a zirtir. National Helpline for Senior Citizen team leader Lalbiaksanga leh Laithangpuii College of Pharmacy lecturer KD Lalthiamsama ten thil pawimawh dangte an zirtir bawk.