MGNREGS staff-te hlawh a lut mek - RDA department

Rural Development & Administrative (RDA) department hotute chuan MGNREGS hnuaia thawkte hlawh chu an bank account-ah a luh mek thu an sawi.

RDA department hotute hnen aṭanga thu dawn danin, MGNREGS-a thawkte hlawh lakna head administrative component (admin tia sawi) chu September 4, 2025 khan second tranche second instalment an dawng a, a vaiin cheng nuai 1,221 a ni. Mahse, SNA SPARSH kaltlang lo chuan a theih tawh loh avangin SPARSH an hman theihna turin Mizoram IFMIS khawihtu Finance department leh Interlace ten theihtawp an chhuahpui a ni.

Thawktute hlawh chu kumin December thla tir lam aṭang khan an bank account-ah a lut ṭan a, a lut mek zel. Block ṭhenkhatah bill siam dan dik tawk loh vang leh harsatna eng eng emaw avangin tihkhawtlai hret a ni a, a tam zawkin July - September hlawh an la tawh. Vawiin hian October leh November hlawh tur pek chhuah tum a ni.

An pawisa dawn hian November 2025 thleng hlawh leh group D ho bik December hlawh a daih dawn a; sum dil lehna tur buaipui mek a ni bawk.