DEO leh thuthar thehdarhtute inkawm

Lawngtlai district election officer Donny Lalruatsanga, district bawrhsap chuan nimin khan LADC-MDC inthlanpui neih zawh tâk chungchangah thuthar thehdarhtute a kawm a; DEO chuan Model Code of Conduct (MCC) ṭha taka kalpui a nih thu sawiin, "Political party-ten thu an awih hle," a ti

Donny Lalruatsanga chuan, State Election Commission (SEC) kaihhruiana hnuaiah inthlanna tluang taka neih a nih thu a sawi a; ralmuang taka inthlan a nih theih nana police, MPF, CYLA leh NGO-te thawhhonaah lawmthu a sawi.

Hmawngbuchhuah bikah November 29, 2025 khan nodal officer Lalnunpuia leh security-ten vote pakhat nei chu postal ballot hmanga vote an thlaktir thu sawiin DEO chuan, "Vanduaithlak takin polling officer pakhatin nunna a chân a, a pawi takzet. Zangnadawmna (ex- gratia) pek a nih theih nan theihtawp chhuah a ni," a ti bawk.