Mizoram UPC general superintendent atan Rev. Dr Ngurthanpara Sailo thlang

Mizoram UPC Executive Committee chuan nimin khan kum 2026-2027 chhunga general superintendent atan Apostolic Theological Institute (ATI) principal ni lai Rev. Dr Ngurthanpara Sailo an thlang a, general superintendent kal chhuak tur Rev. P Lalrinawma a thlak ang.

Executive committee hi Mizoram UPC General Headquarters-ah neih a ni a; kum 2026-27 chhunga general secretary atan Rev. C Lalawmpuia thlan niin, general missions chairman atan Upa H Lalzirliana leh Missions secretary atan Pastor Andrew L Singson-te an thlang. Media & Publicity Board chairman atan Upa Lalthlamuana Hnamte leh Apostolic Theological principal atan Rev. Thangliansanga an thlang bawk.

Mizoram UPC Executive Committee hi vawiinah an ṭhukhawm chhunzawm dawn a, naktuk zan aṭanga December 14, Pathianni zan thleng inkhawmpui lian, general assembly an nei bawk ang.