KHAWTHLIR

Bus tlân dawn lo
Transport department hnuaia Operation staff-te December 25-26, 2025 leh January 1-2, 2026 khian an châwl dawn a, an chawlh chhungin Aizawl leh Sairang rel chawlhhmun inkarah MST bus a tlan dawn lo tih Transport department-in a tarlang.

Committee on Petition
Mizoram Legislative Assembly-a Committee on Petitions member-te chuan nimin khan an chairman T Lalhlimpuia hoin Lok Sabha Secretariat, New Delhi-ah committee hna thawh dan leh kalphung an zir ṭan a, vawiinah an chhunzawm ang. Zirna hi Parliamentary Research and Training Institute for Democracies-ah buatsaih a ni a, MLA pahnih H Lalzirliana leh Prova Chakma bakah, Assembly Secretariat-a thawkte an tel a ni.

Rehabilitation Centre
Saitual bawrhsap Dr Lalngura Tlau hoin nimin khan sorkar hotute leh khawtlang hruaitute'n District Rehabilitation Centre sakna hmun tur atan Saihmar Tlang Vanapa khawthlir piah ram âwl leh Sasaw Tlang, Ruallung ramte an thlang. Centre hi Ministry of Tribal Affairs aṭanga hmuh cheng vbc 6 hmanga sak tur a ni.