Secondary School Games ṭan a ni

School Education department chuan nimin khan Aizawlah Mizoram Secondary School Games vawi 42-na an huaihawt ṭan a, December 12, Zirtawpniah zawh a ni ang.

Secondary School Games-ah hian infiamna chi ruk - athletics, football, volleyball, taekwondo, inkawibah, kalchhet leh inhruipawhah te zirlaite an intihsiak dawn a; district 11 aṭangin zirlai leh zirtirtu mi 1,900 vel an tel.

Mizoram Secondary School Games neihna hmunte chu: athletics - Rajiv Gandhi Stadium leh College Veng Field, football - Rajiv Gandhi Stadium leh 1st MAP Ground, taekwondo - Electric Veng Indoor Badminton Court, volleyball - Electric Veng Indoor leh Joint YMA Indoor, inkawibah, kalchhet leh inhruipawh -Chaltlang Field te a ni.