Midelte'n inkhawmpui an hmang

Mizoram Blind Society (MBS) chuan nimin khan White Stone Conference Hall, Aizawlah Annual Conference an hmang a; 'The Rights and Welfares of Persons with Disabilities for the Blind' tih hmangin legal awareness an buatsaih nghal.

MBS inkhawm hi an adviser Lalbuatsaiha'n a kaihruai a; khuallian Aizawl District Legal Services Authority secretary Lalhriatpuii'n rualbanlote dikna, chanvo leh hamṭhatna te, danin a humhalhna dan te, Legal Services Authority-te'n a thlawna rualbanlo harsatna tawkte a ṭanpuih theih dante a sawi. MBS member zinga sorkar hna hmu thar mi pali hnenah lawmpuina an hlan.

Chawhnu lamah moral reformation tih hun a hman a ni a; MBS assistant general secretary C Lalṭhakima'n mitdel leh khaw hmuh fiah lote tana tunlai thiamna hmanga hmasawnna hman ṭangkai dante a zirtir a ni.