2025 Synod inkhawmpui ṭan a ni

Synod Inkhawmpui vawi 102-na chu nizan khan Zarkawt Kohhran biak-inah ṭan a ni a, December 14, Pathianni zanah a ṭiak ang. Vawiin chawhma aṭangin moderator thar Rev. John Raldosanga kaihhruaiin rorel a ni dawn a, Inrinni thlengin chhun lamah rorel a ni ang a, zanah vantlang Pathian inkhawm a awm ṭhin ang.

Inkhawmpuiah hian December 14, Pathianni chawhmaah pastor tharte nemngheh an ni dawn a, probationary pastor dahngheh an ni bawk ang. Inkhawmpui thupui 'Chhuan tur dik' tih chu Inrinni zanah Rev. Dr H Vanlalruata'n a sawi dawn a ni.

Synod inkhawmpui hi kum 2010 aṭang khan pastor bialin an thleng ṭan a, kumin hian Dawrpui bialin Zarkawt Kohhranah an thleng a ni.