Governor hlui Swaraj Kaushal a thi

Mizoram larsap hlui Swaraj Kaushal (73) h/o Sushma Swaraj chu nimin tlai khan an chenna New Delhi-ah a thi a; Larsap Gen. Vijay Kumar Singh chuan pawi a tih thu leh a ui thu a tarlang.

Swaraj Kaushal hian nimin tlaiah a âwm ná a tih avangin AIIMS panpui nghal a ni a, AIIMS an thlen chuan chhan theih a lo ni tawh lo a, doctor-te'n a thih thu an nemnghet a ni.

Swaraj Kaushal hi February 8, 1990 khan Mizoram Governor atan lak luh niin, February 9, 1993 thleng Mizoram larsap a ni a; Mizoram Governor atana lak luh a nih hian kum 37 mi a ni, India rama larsap ni tawh zinga naupang ber a ni.

Larsap Gen. VK Singh chuan Swaral Kaushal a thi chu pawi a tih thu a tarlang a, "Mizoram tan theih-tawp chhuah ṭhin a ni. Mizoram tana mi hlu tak kan chân ta a ni," a ti.

Swaraj Kaushal nupui Sushma Swaraj hi ṭum eng emaw zat sorkar laipuiah cabinet minister a ni tawh a, Delhi chief minister a ni tawh bawk.