Rev. C Rosiama DD hlan a ni

Senate of Serampore chuan nimin khan convocation an hmang a, Rev. C Rosiama hnenah Doctor of Divinity (honorary doctoral degree) an hlan.

Rev. C Rosiama hi Mizoram Presbyterian Kohhranah kum 33 chhung pastor/minister hna a thawk a, bial, presbytery, synod leh PCI General Assembly thlengin rawngbawlna pawimawh a chelh kim hle. Synod moderator leh senior executive secretary te ni tawhin, Synod puipa nihna a chelh kim vek a; Aizawl Theological College-ah principal (acting) hna a thawk tawh.

Bible Society of India rawngbawlnaah nasa taka inhmangin, third vice president a ni tawh a, Bible Translation-ah chairman a ni tawh. Tunah hian BSI Aizawl Auxiliary-ah CL revision-ah chairman a nih mek bakah, chief translator a ni mek.

Mizoram sorkarin a din Ethics Committee-ah chairman a ni tawh a; ;ehkhabu leh thuziak eng emaw zat a tichhuak tawh bawk a ni.