FDA bultumin Lungleiah eiin siamtute training

Food and Drugs Admi­nis­tration (FDA) bultumin November 26, Nilaini khan Lungleia School Education conference hall-ah thianghlim leh hrisel zawka ei leh in siam dan zirhona, 'Basic Food Safety Training and Certification (FoSTaC)' buatsaih a ni.

Zirhonaah hi Lunglei district designated officer (Food Safety) John Lal­ding­liana'n a kaihruaia, V Nagalakshmi (Smart Management Company) chu trainer niin, chawhma lamah chhang, theitui, chow leh a dangte siamtu (manufacturer) mi 115 an tel a; chawhnuah thingpui dawr, catering, hotel leh restaurant neitute mi 85-in an chhim.

Training-a telte hi FSSAI-in certificate a pe vek dawn a; FoSTaC training certificate nei lo tan FSSAI phalna (license) a tihnun theih tawh dawn loh a ni.