Reading Decathlon tel turte kâwm

Food4thought chuan November 29, 2025 khian Indore, Madhya Pradesh-ah 'Reading Decathlon' an buatsaih dawn a; tel turin Mizoram Youth Commission kaltlangin state level competition winner pali - Mount Carmel School zirlai Rebek Malsawmzuali leh Krista Roluahpuia Khiangte leh, La Montessori School zirlai Malsawmhlui Pachuau leh Joshua Lalawmpuia te thlan an ni.

Mizoram aiawh tura thlan zirlai palite hi nimin khan Mizoram Youth Commission chairman Malsawmzuala Ralte chuan MYC conference hall-ah a kâwm a; Mizoram aṭanga tel hmasa ber an nih thu hrilhin, theihtawp chhuah tur leh lehkhabu chhiar ṭhatna tarlangtu ni zel turin a fuih.