Khumtungah Balhla Kût hman a ni

Khumtung khua chuan hun rei tak hlawhtling taka balhla an lo chîn tawh vanga lawmthu sawina atan, nimin Balhla Kût an hmang a, minister Lal Thanzara leh bialtu MLA Lalrinawma ten an hmanpui.

Lal Thanzara chuan, "Khum-tung khaw-tlangin balhla an lo chìnna rei tawh dan te, an hlawhtlinpuizia te, state páwn thleng thlenga Khumtung balhlain mi hriat a hlawh dante ka han hriat hnuah he khuain Balhla Kût an hmang hi thil tih âwm tak, kum tina neih tlak niin ka hria," a ti.

Bialtu MLA Lalrin-awma chuan, Khumtung khawtlangin hlawhtling taka kum rei tak balhla an thar chhuah chu a chhuan thu sawiin, "Hmâna ram ruak mai ni ṭhin, tun hnua balhla hmun hlira a chang tate hi hmuhnawm hle," a ti a; Khumtung mipuite chu balhla chìn kawngah hma an sawn zel a beisei thu a sawi.

Kût hawn inkhawm hi Khumtung VCP H Lal-
ṭhakima'n a kaihruai a, Kut Organising Commi-ttee vice chairman Ben-jamin Lalawmpuia chuan, Balhla Kut chu hlimhlawp siamna ni loin, lawmthu sawina a nih thu a sawi.

Khumtungah hian kum 1973 khan Andrew Ngursawia-te chhungkuain balhla kual bul khat phunin bul an ṭan a, chuta ṭang chuan chíng pung zelin, tun dinhmunah Khumtunga chhungkua zawng zawng deuhthawin balhla huan an siam tawh.

Chawhrualin, chhung tinte'n balhla kung 600-700 vel an nei a, kung 2,000 chuang nei chhungkaw 30 vel an awm. A tlangpuia chhûtin Khumtung khua hian balhla aṭangin kum tin cheng nuai 201 vel an la lut ziah ang a ni.