LADC inthlan dawn avangin Lawngtlai NGO-te ṭhukhawm

December 3, 2025-a Lai Autonomous District Council (LADC) MDC inthlan awm tur avangin nimin khan Lawngtlaia tlawmngai pawlte intêl khawmna, NGO Coordination Committee chu an ṭhukhawm.

Ṭhutkhawm hi NGOCC chairman F Lalrothanga, Central YLA president-in a kaihruai a; LADC inthlanpui awm turah mipuite'n inthlanna thianghlim tak an hmachhawn theih nan leh candidate zawng zawngte'n dik leh thianghlim taka inthlan an hmachhawn turin thuchhuah siam ni se, an ti.

Candidate zawng zawngte chu inthlan zawh hnu December 5, 2025-ah ko khawm a, LADC-ah sorkarna ngêlnghet a awm theih nan kâwm an rel bawk.