Janjatiya Gaurav Varsh lawmna nei dawn

India ramin zalenna a hmuh theihna tura beitu tribal hruaitu Bhagwan Birsa Munda pian champha vawi 150-na pualin vawiin hian Mizoram pumah Janjatiya Gaurav Varsh lawm a ni dawn a; a lawmna pui ber chu Planning department buatsaihin chawhma dar 10 aṭang hian Raj Bhavan Circular Lawn-ah neih a ni dawn a, Governor Gen. Dr Vijay Kumar Singh-a'n a hmanpui ang.

Janjatiya Gaurav Varsh lawmna Raj Bhavan lawn-ah hian Tribal Freedom Fighter Wall siam a ni dawn a, kut themthiamte kutchhuak (craft & handloom) leh food stall-te siam a nih dawn bakah, innovation exhibition huaihawt a ni dawn. Hengte hi mipui tan vawiin leh naktukah tlawh theih a ni ang.