Hari Mandir chungchangah NGOCC-in Gorkha an ngen

NGO Coordination Committee chuan, Mizo Gorkha Bazaar Mandir Sanchalan Committee-in Assam Rifles chhuahsan tak hmuna Hari Mandir neitu nihna Prime Minister hnen an dil chu hnûk lêt turin an ngen.

NGOCC hruaitute hi nimin khan Central YMA Committee Room-ah an ṭhukhawm a; Mizo Gorkha Bazaar Mandir Sanchalan Committee hmalakna chungchang ngaihtuahin, "Assam Rifles-te'n an chhuahsan tawh ram a nih avangin he lai hmun hi Mizoram sorkar kuta awm a ni tawh a, hei vang hian an dilna hi hnûk lêt turin kan ngen a ni," an ti.