NCC Mizoram Group Hqrs din dan tur CM hoin sawiho

Chief minister Lalduhoma kaihhruaiin nimin khan a pisaah NCC Mizoram Group Headquarters din tura hmalak mek dan sawiho a ni a; Mizoramah NCC unit pali leh cadet 8,000 an awm mek tih tarlan a ni.

Tarlan danin, Mizo-ramah NCC unit pali leh cadet 8,000 awm mek chu Silchar Group Headquarters aṭanga enkawl ṭhin a ni a; July 2025 khan NCC thuneitu sangin Mizoram Group Headquarters awm tawh se a ti. Mizoram sorkara Council of Ministers chuan September 2025 khan Mizoram Group Headquarters a pawm a, inbunna hmunhma tur leh mamawhte ngaihtuah mek a ni.

NCC kalphungah unit zawng zawng chu NCC suma enkawl a ni a, group headquarters erawh chu an awmna state sorkarin a ngaihtuah ve thung.

Nimina ṭhut-khawmah hian Sports and Youth Services minister Lal-nghinglova Hmar leh sorkar hotu dangte an tel.