Mizoram sorkarin special award a dawng

18th Urban Mobility India (UMI) 2025, November 7-9, 2025 chhunga Gurugram, Haryana a neihah Mizoram sorkar chuan Mizoram Traffic Management System chung-changah special award a dawng.

Union minister Manohar Lal leh Union minister of state Tokhan Sahu, Ministry of Housing and Urban Affairs ten ‘special award’ hi Mizoram sorkar aiawhin UDPA secretary Lalmalsawma Pachuau, UDPA director Jacob Lalawmpuia leh Town & Country planning officer-te hnenah an hlan a ni.

He award dawng tur hian Award Selection Committee-in presentation nei tura a hriattir angin, Town & Country Planning Wing chuan October 16, 2025 khan video presentation bakah power point presentation an pe.

Presentation-ah hian Mizoramah traffic rules ṭha taka zawm a nih dan te, mipuiin dawh thei taka traffic buai nuai nuai loa an tlan ṭhin dan te, ṭul loah horn hmehrik a nih ngai loh dan te, Coordination Committee on Traffic Management-te leh Aizawl chu Silent City tia sawi ṭhin a nih thute tarlan a ni.

He presentation pek zulzui hian Award Selection Committee chuan central ministry-ah recommendation pein, Mizoram sorkar aiawhin UDPA department a hotuten an dawng a ni.

Mizoram sorkar chuan, "Award hlu tak hi Mizoram mipui in lungrualna te, thuawihna te, department a thawk tute thawhona bakah Mizoram Traffic Police leh Transport department hmalakna ṭha tak avanga dawng thei kan ni a, lawmthu kan sawi tak meuh meuh a ni," an ti.