Local Development Committee ṭhukhawm

Hunthar Local Deve­lopment Committee chu nimin zing khan bialtu MLA K Sapdanga, minister hoin YMA committee hall-ah an ṭhukhawm a, Hunthar Veng hmasawnna tur an sawiho.

K Sapdanga chuan, Local Development Committee din a nih chhan leh a thil tum tlangpui a sawi a; veng hmasawnna tura ṭhahnemngai taka thawkho turin member-te a sáwm. Committee member-te pawhin Bialtu MLA ruahmanna lawmawm an tih thu leh an ṭangkai theihnaah chuan ṭhahnemngai taka thawh an inhuam thu an sawi.

Ṭhutkhawmah hian MLA fund leh UDPA department aṭanga veng chhung hmasawnna hnathawh tur an sawiho a, hmalakna leh hnathawh turte an thlang.

Local Development Committee-ah hian political party hrang hrang aiawh, tlawmngai pawl aiawh leh khawtlanga mi challang (prominent citizen)-te ruat an ni.