Sazu hrai beihpui thlak mek

Lunglei Dist Agriculture & Farmer Welfare department-te'n Ṭawipui khua leh a chhehevela loneitu ṭhenkhatte hnen aṭanga sazu puangin an buh a seh nasa tih thu an dawn angin sazu hrai beihpui an thlak mek.

Sazu hrai beihpui hi tun October 3 aṭang khan an thlak a, sazu eng emaw zat chu an thi a, buhban leh thar rang eng emaw zat an hum thei. Buhpui veng turin an in buatsaih leh mek. Tunah hian buhpui veng turin Agriculture department chu an inring leh reng tawh a, buhpui venna atan a duh leh mamawh apiang tan sazu tur an kawl.